12. Jurudemung

Palanggeran Jurudemung: 8-a, 8-u, 6-1, 8-a, 8-u.

Conto:

Badan anu katempuhan
da bongan ngalajur napsu
peurihna kapanggih
rek bongan-bongan ka saha
ayeuna bati kaduhung.

13. Balakbak

Palanggaran Balakbak: 12-a, 3-e, 12-a, 3-e, 12-a, 3-e.

Conto:

Nanggung tolok pinuh barang bubututan
rarombeng
Wantu kabeh ape kiran rorombotan
garoreng
leumpangna teh rada ngigir ngalieukan,
Mendeleng

14. Gambuh

Palanggeran Gambuh: 7-u, 10-u, 12-i, 8-u, 8-o.

Conto:

Ngahuleng banget bingung
henteu terang ka mana ngajugjug
turug-turug harita teh enggeus burit
panon poe geus rek surup
keueung sieun aya meong.

15. Gurisa

Palanggeran Gurisa: 8-a, 8-a, 8-a, 8-a, 8-a, 8-a, 8-a, 8-a.

Conto:

Hayang teuing geura beurang
geus beurang rek ka Sumedang
nagih ka nu boga hutang
mun meunang rek meuli soang
tapi najan henteu meunang

Tamat

*) Tina buku PEPERENIAN anu didamel ku Bapak Drs. Ahmad Hadi - Drs. Ade Wikaya - Drs Taufik Faturohman tanggal 26 Juni 1993